Neft Fondunun aktivlərinin həcmi daha 1 mlrd. dollar artacaq

Neft Fondunun aktivlərinin həcmi daha 1 mlrd. dollar artacaq
17:08 12 Oktyabr 2016
Ölkə mətbuatı
A- A+

Gələn il Azərbaycan Dövlət Neft Fondunun (ARDNF) aktivlərinin həcmi daha 1 mlrd. dollar artacaq.

Publika.az xəbər verir ki, bunu ARDNF-in icraçı direktoru Şahmar Mövsümov deyib. O bildirib ki, 2016-cı ilin sonuna aktivlərin həcmi 34 mlrd. dollar təşkil edəcək. Gələn il fond tarazlaşdırılmış büdcə siyasəti həyata keçirəcək. Aktivləri 2017-ci ildə 1 mlrd. dollar da artacaq.

O da məlim olub ki, ARDNF Beynəlxalq Bankdakı depozitin müddətini uzada bilər: “Qaydaya görə, fond aktivlərinin 5%-ini yerli bazarda yerləşdirə bilər. Bu da təxminən 1,6 mlrd. dollar edir. Biz 1 mlrd. dollar yerləşdirmişik. Daha 600 mln. dollar yerləşdirmək fikrimiz yoxdur".

Qeyd edək ki, vəsait 1 il müddətinə, 4%-lik gəlirliliklə yerləşdirilib. İcraçı direktor əlavə edib ki, bankın istəyi olarsa, depozitin müddəti uzadılacaq.

Ş. Mövsümov bildirib ki, fondun başqa banka depozit yerləşdirmək fikri yoxdur.

İqtisadiyyat şöbəsi

RƏYLƏR

BU KATEQORİYADAN DİGƏR XƏBƏRLƏR