Azərbaycanda yeni yaradılan müəssisə və təşkilatların sayı 33% artıb

Azərbaycanda yeni yaradılan müəssisə və təşkilatların sayı 33% artıb
19:47 12 Oktyabr 2016
Ölkə mətbuatı
A- A+

Bakı. 12 oktyabr. REPORT.AZ/ Bu ilin yanvar-sentyabr aylarında Azərbaycanda 6088 müəssisə və təşkilat (onların nümayəndəlik və filialları) yaradılıb.
“Report”un Dövlət Statistika Komitəsinə istinadən verdiyi xəbərə görə, bu rəqəm ötən ilin müvafiq dövrünə nisbətən 33,3% artıb.
Yeni müəssisə və təşkilatların 63,3%-i Bakıda, 11,2%-i Aran, 7,6%-i Abşeron, 4,8%-i Lənkəran, 4,6%-i Gəncə-Qazax, 3,3%-i Quba-Xaçmaz iqtisadi rayonlarında, qalanları isə digər bölgələrdə qeydiyyatdan keçib.
Bundan əlavə, bu ilin ilk 9 ayında fərdi sahibkarlıqla məşğul olmaq üçün ölkənin vergi orqanlarında 83 094 fiziki şəxs qeydiyyatdan keçib. Onların sayı ötən ilin eyni dövrünə nisbətən 56,8% artıb.
Fərdi sahibkarlar daha çox Bakıda, Aran, Gəncə-Qazax, Lənkəran, Şəki-Zaqatala, Abşeron və Quba-Xaçmaz iqtisadi rayonlarında qeydiyyata alınıb.

Xəbərin orijinal ünvanı: http://report.az/biznes/azerbaycanda-yeni-yaradilan-muessise-ve-teskilatlarin-sayi-33-artib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR