"Ulduz müharibəsi: Gücün oyanışı" filminin çəkiliş meydanında lazımi təhlükəsizlik tədbirləri görülmədiyi üçün "Pinewood Studios" şirkəti 1.6 milyon funt sterlinq cərimələnib.
"Qafqazinfo" xəbər verir ki, bu barədə "Sky News" məlumat yayıb.
Filmdə Xan Solo rolunu canlandıran aktyor Harrison Ford çəkiliş meydanında ağır zədə alıb. Nəticədə aktyor helikopterlə xəstəxanaya çatdırılıb. 12 iyunda 2014-cü ildə baş verən hadisə zamanı aktyorun ayağının sındığı müəyyən olunub.
Qeyd edək ki, sözügedən film təqdim həftəsində 500 milyon dollar qazanc gətirərək rekorda imza atıb.
Milli.Az 
