26 fevral 2017-ci ildə sahiblərini tapacaq 89-cu “Oskar” mükafatları üçün “Əcnəbi dildə ən yaxşı film” nominasiyası üzrə filmlərin adları açıqlanıb.
Axşam.az xarici KİV-ə istinadən xəbər verir ki, bu nominasiyada qalib olmaq üçün rekorda sayda - 85 film mübarizə aparacaq.
Bu vaxta qədər ən çox namizəd isə 2014-cü ildə 83 film olmuşdu.
Bu siyahı dekabr ayında 9-a enəcək. 24 yanvar 2017-ci ildə isə 5 filmdən ibarət son siyahı açıqlanacaq.
Qalib olmaq üçün ən güclü namizədlər “Toni Erdmann” və “Elle” filmləri göstərilir.
2011-ci ildə “Ayrılıq” filmi ilə “Oskar” alan iranlı Əsgər Fərhadinin yeni “Satıcı” filmi də namizədlər arasındadır.
Türkiyə də siyahıda təmsil olunub. “Kalandar Soğuğu” adlı film güclü rəqiblərinə qarşı yarışacaq.
