Ölümcül tələ, 60 ilin ən qanlı müharibəsi, Kremldən Qarabağ... - GÜNÜN SİYASİ XÜLASƏSİ

Ölümcül tələ, 60 ilin ən qanlı müharibəsi, Kremldən Qarabağ... - GÜNÜN SİYASİ XÜLASƏSİ
20:13 13 Oktyabr 2016
190 Ölkə
Ölkə mətbuatı
A- A+

Yəməndəki münaqişə yeni və daha dəhşətli mərhələyə keçir. Aprel ayındakı “dördgünlük müharibə”dən sonra Dağlıq Qarabağ münaqişəsinin həlli üçün böyük ümidlər yaransa da, Kreml bu ümidlərin üstündən xətt çəkdi. Mosul əməliyyatına sayılı günlər qalıb. Bağdad-Ankara xəttində isə ittihamlar bir-birini əvəz edir.

“Bir çox variantlar var” - Putinin “sağ əli” məxfi Qarabağ danışıqları haqda

Rusiya prezidentinin köməkçisi Yuri Uşakov bildirib ki, Moskva yaxın vaxtlarda Qarabağ münaqişəsinin nizama salınmasında böyük optimizm hiss etmir.


Onun sözlərinə görə, Rusiya Bakı və İrəvanla işləməkdə davam edəcək: “Mən deməzdim ki, mübahisə yaxın vaxtlarda həll oluna bilər. Lakin biz Bakı və İrəvanla bu istiqamətdə işi inadla davam etdirəcəyik”.

Lakin Putinin köməkçisi danışıqların pərdəarxasını açmaqdan imtina edib. Qeyd edib ki, bir çox variant və təklif müzakirə edilir.

Rusiya KİV-inin yazdığına görə, Kollektiv Təhlükəsizlik Müqaviləsi Təşkilatının (KTMT) oktyabrın 14-də İrəvanda keçiriləcək toplantısında Dağlıq Qarabağla bağlı bəyanat qəbul ediləcək.

Sürətli və öldürücü, 60 ilin ən qanlı müharibəsi olacaq – ŞOK PROQNOZ

Qərbdə Rusiya və Çinlə mümkün müharibə haqqında proqnozlar və şərhlər gündəmdən düşmür. ABŞ-ın yüksək vəzifəli generalları hesab edirlər ki, Çin və Rusiya ilə nüvə silahının tətbiqi olmadan hərbi münaqişə praktik olaraq qaçılmazdır.

Amerika generalları qeyd edirlər ki, müharibə “sürətli və öldürücü”, həmçinin son 60 il ərzində öz miqyasına görə ən böyük olacaq. General-mayor Uilyam Xiks bildirib ki, süni intellekt və avtomatlaşdırılmış silahlanma sistemləri gələcək hərbi münaqişələri sürətləndirəcək.

General deyib ki, Rusiya və Çinin texnoloji nailiyyətləri Ağ Evi belə miqyaslı hərbi hərəkətlərə hazırlaşmağa məcbur edib.

Öz növbəsində, ABŞ Silahlı Qüvvələrinin qərargah başçılarının birləşmiş komitəsinin sədr müavini, general-leytenant Cozef Anderson bildirib ki, təcavüzkar hərəkət edən ölkələr ABŞ üçün ekzistensial təhdid yaradırlar. “Hansı ölkəni belə təsvir etmək olar? Rusiyanı?” – Anderson əlavə edib.

ABŞ-ın quru qoşunlarının qərargah müdiri general Mark Miller bildirib ki, rəqibləri havada ABŞ-ın üstünlüyünə son qoya, həmçinin hərbi dəniz qüvvələrinə döyüş meydanına qədər çatmağa imkan verməyə bilər. Onun sözlərinə görə, ABŞ həmçinin kiberməkanda döyüş hərəkətlərinin aparılmasına, peyk əlaqəsi və naviqasiya sistemləri olmadan vuruşmağa hazır olmalıdır.

Sürətli və öldürücü, 60 ilin ən qanlı müharibəsi olacaq – ŞOK PROQNOZ

ABŞ-ın yüksək vəzifəli generalları hesab edirlər ki, Çin və Rusiya ilə nüvə silahının tətbiqi olmadan hərbi münaqişə praktik olaraq qaçılmazdır.

ABŞ Rusiya ilə silahlı qarşıdurmaya hazırlaşdığı bir vaxtda Avropa Birliyi (AB) iqtisadi müharibəni davam etdirmək niyyətindədir. AB ölkələri Suriyadakı situasiyaya görə Rusiyaya sanksiyalar tətbiq etməyə hazırlaşır.

Bu işdə xüsusilə Böyük Britaniya, Fransa, Almaniya diplomatlarının aktivlik nümayiş etdirdiyini bildirib. İlkin ehtimala görə, birinci mərhələdə 32 nəfərin adı sanksiyalar paketinə salınacaq. Bunlardan 12-si Rusiya, 20-si Suriya vətəndaşı olacaq. Yüksək vəzifəli şəxslərin də qara siyahıya salınanlar sırasında yer alacağı bildirilir.

Qeyd edək ki, AB indiyə qədər Rusiyanın 200 fiziki, 70 hüquqi şəxsinə qarşı sanksiyalar tətbiq edib.

ABŞ-dan üçüncü çevriliş XƏBƏRDARLIĞI: “Ərdoğanın həyatını...”

Amerikalı yazar Mixael Rubin “Amerikan Enterprise Institute”nin (Amerika Təşəbbüskarlıq İnstitutu) internet səhifəsi olan “AEI.org”da dərc etdiyi yazısında Türkiyə prezidenti Rəcəb Tayyib Ərdoğanla bağlı təhdid xarakterli ifadələr işlədib.

Yazar Ərdoğanın həyatını itirməsinə səbəb ola biləcək güclü bir çevrilişin yaxınlaşmaqda olduğunu iddia edib. Rubin keçmişdə də Türkiyə haqqında qələmə aldığı analizləri ilə diqqət çəkən bir şəxsdir. 2016-cı ildə iyulun 15-dən bu günə qədər iki ayrı çevriliş cəhdinin olduğunu ifadə edən Rubin hesab edir ki, üçüncünün yolda olmadığını düşünmək səhvdir.

ABŞ-da Türkiyə düşməni “neocon” qruplarının tanınmış şəxslərindən olan və kiçik Corc Buşun prezidentliyi dövründə Yaxın Şərq üzrə məsləhətçi işləyən Rubin 2016-cı ilin martında Türkiyədə hərbi çevriliş ehtimalının yüksək olduğunu açıqlamışdı. Hətta o, bildirmişdi ki, Türkiyədə baş verəcək çevrilişə Misirdə Məhəmməd Mursi tərəfdarlarının göstərdiyi qədər müqavimət göstərilməyəcək.

Körfəz Əməkdaşlıq Şurası isə hərbi çevrilişlə Türkiyə prezidentinin hakimiyyətdən kənarlaşdırmağa cəhd edən Fəthullahçı Terror Təşkilatını (FETÖ) terror təşkilatı olaraq tanıyıb.

Təşkilat FETÖ ilə mübarizədə Ankaranı dəstəklədiyini açıqlayıb. Körfəz Əməkdaşlıq Şurası Bəhreyn, Küveyt, Oman, Qətər, Səudiyyə Ərəbistanı və Birləşmiş Ərəb Əmirliklərindən təşkil edilib. Türkiyə təşkilatla strateji ortaq mövqeyindədir.

İraqın Mosul şəhərinin İŞİD terror təşkilatından azad edilməsi üçün keçiriləcək əməliyyata günlər qalıb. Türk əsgərlərinin Başika bazasından çıxmasını tələb edən Bağdad Türkiyənin Mosul əməliyyatına qatılmasına qarşıdır.

Bağdad bu gün Ankara ilə münasibətləri gərginləşdirəcək daha bir addım atıb. Türkiyənin İraqdakı səfiri Faruk Kaymakçı İraq Xarici İşlər Nazirliyinə çağırılaraq nota təqdim edilib. Notada Türkiyənin Başikadakı hərbi varlığına etiraz ifadə olunub. Mosulun İŞİD-dən təmizlənməsi üçün əməliyyata günlər qaldığı bir vaxtda Ankara-Bağdad xəttində gərginlik artır. Bağdad Başikadakı türk əsgərlərinin geri çəkilməsini tələb edir.

Türkiyə isə əsgərlərin bölgədə qalacağını və Mosul əməliyyatına qatılacağını bir neçə dəfə bəyan edib.

Vaşinqton isə Mosul əməliyyatına kimlərin qatıla biləcəyi barədə bəyanat verib. ABŞ Dövlət Departamentinin sözçüsü Con Kirbi mətbuat nümayəndələrinin suallarını cavablandırarkən deyib ki, Mosulun azad olunması üçün başlanan əməliyyatlar İraq dövlətinin planıdır.

“Bu əməliyyatlara hansı ölkələrin qatılmasına ABŞ hökuməti yox, İraq qərar verəcək. Bunu biz müəyyən etmirik. Bu məsələ ilə bağlı Türkiyə ilə müzakirə aparmamışıq. Mosul və Başika böhranı İraq və Türkiyə hökuməti arasında olan mövzudur, biz buna qarışa bilmərik. İraqın qonşuluğundakı dövlətlər bu ölkənin ərazi bütövlüyünün pozulmasına səbəb olmamalıdır”, - Kirbi bildirib.

Şəhər bombalanacaq və 450 min insan... – XAOS PLANI BAŞLADI

Lakin ABŞ-ın Mosulla bağlı xüsusi planı var. Suriyanın şimalında İŞİD bəhanəsi ilə PKK-nın qolu olan PYD-ni yerləşdirən ABŞ eyni ssenarini İraqda Mosul şəhərində tətbiq etməyə hazırlaşır.

“Yeni Şafak” qəzetinin yazdığına görə, əhalisinin sünni ərəblər, türkmanlar və kürdlərdən ibarət olduğu şəhərin İŞİD-dən xilas edilməsinə hazırlaşan ABŞ Türkiyəni əməliyyatlından kənarda saxlamaq üçün şiə milislərlə PKK terrorçularından istifadə etməyi düşünür. Bölgədə böyük fırtınanın başlaması üçün planlar hazırlanır.

Qəzet ABŞ zabitlərinin PKK və şiə milislərə təqdim etdikləri planın detallarını əldə edib.

Şəhər bombalanacaq və 450 min insan... – XAOS PLANI BAŞLADI

Suriyanın şimalında İŞİD bəhanəsi ilə PKK-nın qolu olan PYD-ni yerləşdirən ABŞ eyni ssenarini İraqda Mosul şəhərində tətbiq etməyə hazırlaşır.

Ankarada siyasi kulislərdə növbədənkənar parlament seçkilərindən danışılır. Türkiyə Cümhuriyyət Xalq Partiyasının (CHP) sədri Kamal Kılıcdaroğlu isə seçkilərin tarixini açıqlayıb.

CHP sədri partiya qərargahlarına seçkilərin 2017-ci ilin aprelində keçiriləcəyini bildirib.

Məlumata görə, Ankara kulislərində növbədənkənar seçkilərin 2017-ci ildə keçiriləcəyi yüksək səslə ifadə edilir. 2019-cu ildə keçirilməli olan seçkilərin erkən bir tarixə keçirilməsinə heç bir partiya etiraz etmir. Türkiyə Milliyyətçi Xalq Partiyasının (MHP) sədri Dövlət Baxçalının da partiya qərargahlarına “hazır olun” təlimatı verib. Hakim Ədalət və İnkişaf Partiyası (AKP) da belə bir ssenariyə hazırdır.

Türkiyə Mərkəzi Seçki Komissiyası mümkün görünən seçkilərə hazırlıq üçün hərəkətə keçib. Seçkilərdə istifadə ediləcək kağızların çap edilməsinə oktyabrın 17-də başlanılacaq.

İslamla marksizmin “birləşdiyi” ölkə və ölümcül tələ – VİDEO/FOTO

Son 5 gün ərzində Yəməndə vəziyyət daha da pisləşib. ABŞ qırıcılarının ölkədə bombardmanlara başlaması münaqişəni yeni mərhələyə çıxarıb.

Amerika hərbçiləri Yəməndə radiolokasiya stansiyasına zərbə vurub. Hücumun Qırmızı dənizdə - Yəmən sahillərində fəaliyyət göstərən ABŞ-ın "USS Mason" esminesinə açılan atəşlərə cavab olduğu bildirilir.

İslamla marksizmin “birləşdiyi” ölkə və ölümcül tələ – VİDEO/FOTO

Amerika hərbçiləri Yəməndə radiolokasiya stansiyasına zərbə vurub.

Kral öldü

13 oktyabr dünyanın ən uzun müddət taxtda oturan kralı adını daşıyan Tailand kralı Bhumibol Adulyadejin ölüm tarixi kimi yadda qalacaq. O, 88 yaşında dünyasını dəyişib.

Kral oktyabrın 9-da təcili olaraq xəstəxanaya yerləşdirilib. Ona qan infeksiyası diaqnozu qoyulub. Tailand kralı 1946-cı ildə taxta çıxmışdı. Onun hakimiyyəti dövründə 20-dən çox baş nazir əvəz olunub, 18 konstitusiya qəbul edilib.

Ömər Dağlı


Xəbərin orijinal ünvanı: http://publika.az/news/nida/172075.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR