Ermənistanda rus əsgəri bıçaqlandı

Ermənistanda rus əsgəri bıçaqlandı
23:09 13 Oktyabr 2016
28 Digər
Ölkə mətbuatı
A- A+

Ermənistanda rus əsgəri bıçaqlanıb. Lent.az-ın  Rusiya mətbuatına istinadən xəbərinə görə, hadisə Gümrü şəhərində qeydə alınıb.

 

24 yaşlı adı açıqlanmayan hərbçiyə şəhərin Şirakatsi küçəsi ilə Maramaraşen şosesinin kəsişməsində xəsarət yetirilib. Onun naməlum şəxslərlə mübahisə etdiyi və bıçaqlandığı qeyd olunur.

 

Yaralı hərbçinin xəstəxanaya çatdırıldığı bildirilir.

 

Erməni mətbuatı onun xidmət etdiyi hərbi hissədə bıçaqlandığını yazır.

 

Xatırladaq ki, 2015-ci ilin 12 yanvar tarixində Rusiyanın Ermənistanın Gümrü şəhərindəki hərbi bazasının müddətli hərbçisi Valeri Permyakov bir erməni ailəsinin 7 üzvünü qətlə yetirib. Bundan sonra o, Türkiyə sərhədini keçmək istəyib.

 

Gümrü şəhər məhkəməsi Valeri Permyakovun ömürlük azadlıqdan məhrum edilməsi barədə qərar çıxarıb.  

RƏYLƏR

BU KATEQORİYADAN DİGƏR XƏBƏRLƏR