"Qərbi Abşeron" yatağında daha bir quyunun tikintisi başa çatıb

"Qərbi Abşeron" yatağında daha bir quyunun tikintisi başa çatıb
14:27 14 Oktyabr 2016
Ölkə mətbuatı
A- A+

Bakı. 14 oktyabr. REPORT.AZ/ “SOCAR-AQŞ” MMC “Qərbi Abşeron” yatağında 20 saylı stasionar dəniz özülündən faktiki dərinliyi 784 metr olan 23 saylı quyunun tikintisi işlərini başa çatdırıb. “SOCAR-AQŞ”dən “Report”a verilən məlumata görə, işlər təhlükəsiz, ətraf mühitə heç bir ziyan vurmadan və vaxtından əvvəl uğurla yekunlaşdırılıb. 
23 saylı quyuda qazma işlərinə bu il sentyabrın 16-da başlanılıb. Sifarişçi SOCAR-ın “Azneft” İstehsalat Birliyidir.
Qeyd edək ki, “SOCAR-AQŞ” MMC inteqrə olunmuş qazma və quyu xidmətləri göstərən birgə müəssisə kimi SOCAR və “Abşeron Qazma” Şirkəti tərəfindən 2007-ci ildə təsis edilib. Müəssisənin əsas fəaliyyəti quyuların layihələndirilməsi və planlaşdırılması, neft və qaz quyularının qazılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin qazılması və çoxşaxəli quyuların qazılması ilə bağlı iş və xidmətlərin təqdim edilməsindən ibarətdir. Hazırda “SOCAR-AQŞ” dayazsulu ‘’Günəşli ‘’yatağında yerləşən 7 və 11 saylı, “Qərbi Abşeron” yatağının 20 saylı, ‘’Ümid’’ yatağının 1 saylı və ‘’Bulla’’ yatağında 6 saylı Dərin Dəniz Stasionar Özüllərində (DDSÖ) qazma işləri aparır.

Xəbərin orijinal ünvanı: http://report.az/energetika/qerbi-abseron-yataginda-daha-bir-quyunun-tikintisi-basa-catib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR