İmişlidə canavarlar 4 baş iribuynuzlu heyvana xəsrət yetirib.
“Report”un Aran bürosu xəbər verir ki, hadisə rayonun Məmmədli kəndində qeydə alınıb.
Belə ki, kənd sakinlərinə məxsus iribuynuzlu heyvanlar örüşdə otlayarkən canavarlar onlara hücum çəkib. Kənd sakinləriin vaxtında müdaxiləsi nəticəsində canavarlar yalnız 4 baş iribuynuzlu heyvanı dişləyərək yaralaya bilib.
Məlumat daxil olan kimi rayon baytarlıq idarəsinin baytar həkimləri gəlib. Yaralı heyvanlara qarşı lazımi tədbirlərgörülüb və nəzarətdə saxlanılır.
Kənd sakinlərinin sözlərinə görə, mal-qara bundan əvvəl də canavarların hücumuna məruz qalıb. Canavarlar bir neçə heyvanı parçalayaraq təsərrüfat sahiblərinə xeyli ziyan vurublar.
