Liviyanın Sirt şəhərində İŞİD terror qruplaşmasının silahlıları ilə döyüşlərdə 13 liviyalı əsgər həlak olub.
APA-nın Reuters agentliyinə istinadən verdiyi xəbərə görə, daha 30 hərbçi yaralanıb.
Terrorçuların itkisi barədə məlumat verilmir. Silahlılara qarşı əməliyyat iyunun əvvəlində başlayıb. Liviya hökuməti şəhərin əksər ərazilərinin terrorçulardan təmizləndiyini bildirir.
Qeyd edək ki, avqustun 1-dən ABŞ hərbi aviasiyası İŞİD-in Sirtdəki mövqelərinə hava zərbələri endirir.
