Bakı. 15 oktyabr. REPORT.AZ/ Bakıda bal yarmarkası açılıb.
"Report" xəbər verir ki, Kənd Təsərrüfatı Nazirliyinin təşkil etdiyi yarmarka paytaxtdakı (Nobel prospekti 23) “AMAY” Ticarət Mərkəzində keçirilir.
Arıçılıq məhsullarının sərgi-satış yarmarkasında ölkənin bütün bölgələrində arıçılıq fəaliyyəti ilə məşğul olan arıçılar iştirak edirlər. Bu il yarmarkaya 71 ton 700 kq bal çıxarılıb.
Yarmarka oktyabrın 15-dən noyabrın 15-dək davam edəcək.
