Bu gün Bakı şəhərində yanğın olub. Lent.az Fövqəladə Hallar Nazirliyinin saytına istinadən xəbər verir ki, Xəzər rayonunda vətəndaşa məxsus ümumi sahəsi 80 m2 olan birmərtəbəli 3 otaqlı evin 1 otağında 5 m2 sahədə ev əşyaları yanıb. Evin qalan hissəsi yanğından mühafizə olunub. Yanğın saat 11:53-də yanğınsöndürənlər tərəfindən söndürülüb.
Oxşar hadisə İsmayıllı rayonunda da baş verib. Tircan kəndində vətəndaşa məxsus fermanın ərazisində ümumi sahəsi 49 m2 olan birmərtəbəli 2 otaqlı evin dam örtüyünün, tavanının yanar konstruksiyaları 30 m2 sahədə yanıb. Evin qalan hissəsi yanğından mühafizə olunub. Yanğın saat 12:05-də yanğınsöndürənlər tərəfindən söndürülüb.
