DÇ-2018-in seçmə mərhələsinin Ukrayna - Kosovo matçının qollarından birinin müəllifi dəyişdirilib.
Milli.Az apasport.az-a istinadən xəbər verir ki, UEFA 31-ci dəqiqədə vurulan ilk topla bağlı qərar verib.
Artyom Kravetsin zərbəsindən sonra kosovoluların müdafiəçisi Rraxmaniyə toxunan top rəsmi sənədlərdə sonuncunun avtoqolu kimi qeyd edilib.
Ukrayna Futbol Federasiyasının UEFA-ya müraciətindən sonra qurum məsələni araşdırıb. Yekunda qərara alınıb ki, qol Kravetsin hesabına yazılsın. Beləliklə, avtoqolu ləğv edən qurum Artyomun qol sayının artmasına yardımçı olub.
Milli.Az
