Atasını və qardaşını bıçaqladı, boynuna aldı - FOTO

Atasını və qardaşını bıçaqladı, boynuna aldı - FOTO
12:47 16 Oktyabr 2016
114 Ölkə
Ölkə mətbuatı
A- A+

Ailə münaqişəsi zəminində Heydərli Samir Müdəris oğlu 80 yaşlı atasına və 47 yaşlı qardaşı Mahirə bıçaqla ağır bədən xəsarətləri yetirib.

"Report" xəbər verir ki, hadisə Lənkəran şəhəri Axundzadə 25 ünvanında baş verib. İlkin məlumata görə, Lənkəran Rayon Mərkəzi Xəstəxanasına çatdırılan Mahir Heydərli boyun və bel nahiyəsindən kəsilmiş-deşilmiş yara aldığından çoxlu qan itirib. O, cərrahiyyə əməliyyatına götürülüb. Hazırda əməliyyat davam edir. Boyun və boğaz nahiyələrində kəsilmiş yaraları olan ata rayon prokurorluğuna gedərkən yolda halı pisləşdiyindən onu da xəstəxanaya çatdırıblar. Ancaq ilkin müayinədən sonra ambulator yardım göstərilib.

Hadisənin baş verdiyi ünvana gələn polis əməkdaşları atasını və qardaşını bıçaqladığını etiraf edən Samir Heydərlini saxlayaraq istintaqa təhvil veriblər. Hadisə yerində bıçaq maddi sübut kimi götürülüb. Faktla bağlı araşdırma aparılır. Heydərli Samir Müdəris oğlu psixi pozğunluğu olduğu da bildirilib. 

Milli.Az




RƏYLƏR

BU KATEQORİYADAN DİGƏR XƏBƏRLƏR