Bakı. 17 oktyabr. REPORT.AZ/ Suriyanın şimalındakı Hələb şəhərinin bombalanması nəticəsində 5-i uşaq olmaqla 12 sakin həyatını itirib.
"Report" İsrail KİV-inə istinadən xəbər verir ki, bu barədə Suriyada İnsan Haqlarının Müdafiəsi uğrunda Müşahidə Təşkilatının monitorinq qrupu məlumat yayıb.
Məlumata görə, aviazərbələri Suriyadakı rejimin başçısı Bəşşar Əsədə bağlı ordunun, yaxud Rusiya hərbçilərinin endirdiyi hələlik bilinmir.
