""Neftçi"nin indiki vəziyyətindən Allah da baş çıxarmır"

""Neftçi"nin indiki vəziyyətindən Allah da baş çıxarmır"
14:52 17 Oktyabr 2016
40 İdman
Ölkə mətbuatı
A- A+

Milli.Az futbolxeber.az-a istinadla"Neftçi"nin Müşahidə Şurasının üzvü Səməd Qurbanovun  müsahibəsini təqdim edir:

- "Neftçi" Premyer Liqanın VIII turunda da məğlubiyyətlə üzləşdi. Komandanın belə duruma düşməsinə səbəb nədir?

- Mən özüm də məəttəl qalmışam. Sizin kimi biz də söz tapmaqda çətinlik çəkirik.

- Bu vəziyyətdən çıxış yolunu nədə görürsüz?

- Vəziyyət düzəlmir də. "Neftçi"nin indiki vəziyyətindən Allah da baş çıxarmır.

- Elxan Abdullayev bu vəziyyətə nə deyir?

- Dözməliyik. Başqa əlacımız yoxdu. Amma fakt budur ki, komanda oyun göstərmir.

- Amma azarkeşlər dözə bilmir...

- Azarkeşlər haqlıdırlar. Gəlirlər, oyun, nəticə istəyirlər.

- Mahir Şükürov komandaya fayda verəcək?

- Hər şey futbolçuların özlərindən asılıdır.

- Müşahidə Şurası indiki vəziyyət barədə nə düşünür?

- Komanda qarşısına qoyulan tələblər yerinə yetirilmir. Yəqin ki, 2-3 günə iclas olacaq. Orada bütün bu problemlər müzakirə olunacaq.

- Yeni təyinatlar - Elxan Eyvazov və Orxan Hüseynzadənin gəlişi komandada nəyi dəyişib?

- Onlar da rəhbərlikdədirlər. Lakin sırf komandanın göstərdiyi oyuna onların aiddiyətləri yoxdur. Hər şey məşqçilərdən, futbolçulardan asılıdır.

- Qışda ciddi dəyişikliklər olacağını gözləmək olar?

- Təbii ki, heyətdə ciddi dəyişikliklər olmalıdır. 7-8 nəfəri göndərmək lazımdır. Bura həm yerli, həm də legionerlər daxildir. Əcnəbilərin, ümumiyyəltə, heç birinin oyunu xoşuma gəlmir.

- Futbol veteranı kimi milli komandamızın DÇ-2018-in seçmə mərhələsindəki çıxışını necə dəyərləndirərdiz?

- Millimiz bizi uğura çox inandırıb. Komanda oynadı. Futbolçular meydanda can yandırdılar. 11 nəfərin 11 də oynayır. İnanıram ki, bundan sonra da millimiz yaxşı çıxış edəcək.

Milli.Az

RƏYLƏR

BU KATEQORİYADAN DİGƏR XƏBƏRLƏR