Müdafiə naziri, general-polkovnik Zakir Həsənov Çexiyanın müdafiə naziri Martin Stropnitskinin dəvəti ilə"Gələcək Qüvvələr Forumu 2016"da iştirak etmək üçün Praqa şəhərinə səfərə gedib. Lent.az nazirliyin saytına istinadən xəbər verir ki, forumda silahlı qüvvələrdəki ən son yeniliklər, müdafiə və təhlükəsizlik sahəsindəki elmi fəaliyyət və sənaye məsələləri nəzərdən keçiriləcək, həmçinin beynəlxalq sülhməramlı əməliyyatlarda əməkdaşlıq və digər fəaliyyətlər müzakirə ediləcək.
Tədbir çərçivəsində Z. Həsənov Çexiyanın müdafiə naziri M.Stropnitski ilə və bir sıra digər şəxslərlə rəsmi görüşlər keçirəcək.
