"Qəbələ"nin rəqibi qapıçısını itirdi

"Qəbələ"nin rəqibi qapıçısını itirdi
13:27 18 Oktyabr 2016
31 İdman
Ölkə mətbuatı
A- A+

Avropa Liqasının qrup mərhələsinin III tutunda "Qəbələ" ilə qarşılaşacaq Fransanın "Sent-Etyen" klubu ciddi problemlə üzləşib.

Milli.Az apasport.az-a istinadən xəbər verir ki, Liqa1-in son turunun "Dijon"la görüşündə zədələnən Cessi Moulinin durumu hələ də qeyri-müəyyəndir.

Həkimlər qolkiperin oktyabrın 20-də keçiriləcək matçda iştirakı ilə bağlı qəti söz deyə bilmirlər. 9 ildir "Sent-Etyen"in qapısını qoruyan 30 yaşlı əlcək sahibinin olmaması ehtimalını görən baş məşqçi Kristof Qaltye gənclərin ümidinə qalıb.
 
Çalışdırıcı 20 yaşlı Aleksis Guenduz və 18 yaşlı Antoni Maysonialı "Qəbələ"ylə matça hazır vəziyyətə gətirməyə çalışır. Əgər həkimlər əsas qapıçının meydana çıxmasına nail olmasalar, 2 gündən sonrakı görüşdə məhz bu gənclərdən biri yer alacaq.
 
Qeyd edək ki, "Sent-Eryen" - "Qəbələ" matçı "Stad Coffrua Qişar" stadionunda keçiriləcək.

Milli.Az

RƏYLƏR

BU KATEQORİYADAN DİGƏR XƏBƏRLƏR