İrəvana Qarabağ mesajı, Türkiyəyə qarşı BÖYÜK OYUN... – GÜNÜN SİYASİ XÜLASƏSİ

Rusiya isə ABŞ-ın riskli planını ifşa edib. Rusiyanın xarici işlər naziri Sergey Lavrov Moskvada keçirilən mətbuat konfransında deyib ki, İŞİD terror qruplaşmasının döyüşçülərinin İraqın Mosul şəhərindən Suriya ərazisinə keçə biləcəyi ilə bağlı risk mövcuddur.

Onun sözlərinə görə, Moskva İŞİD döyüşçülərinin Mosuldan Suriyaya keçidinin riskləri ilə əlaqədar vəziyyəti qiymətləndirəcək.

“Ən azından bir dəhliz qalıb. İŞİD döyüşçüləri bu dəhlizlə Mosuldan Suriyaya keçə bilər. Bu halda Suriyada İŞİD-in əlavə kontingentləri çıxacaq, Biz, əlbəttə ki, vəziyyəti qiymətləndirəcəyik və həm siyasi, həm də hərbi qərarlar qəbul edəcəyik”, - Lavrov bildirib.

O, ümid etdiyini bildirib ki, ABŞ-ın başçılıq etdiyi beynəlxalq koalisiya bu məsələyə diqqət yetirəcək: “Mənim bildiyim qədər, Mosul şəhəri tamamilə mühasirəyə alınmayıb. Bilmirəm, hansı səbəbdən ola bilər, sadəcə bacarmayıblar”.

Qeyd edək ki, eyni narahatlığı bu gün “Milliyyət” nəşrinin yazarı Serpil Çevikcan da ifadə edib. Onun sözlərinə görə, Mosuldan çıxarılacaq İŞİD döyüşçüləri üçün Suriya xətti açıq saxlanılıb.

“İŞİD terror qruplaşmasının döyüşçülərinin İraqın Mosul şəhərindən Suriya ərazisinə keçə biləcəyi ilə bağlı risk mövcuddur”.

Rəsmi Bağdadın etirazlarına baxmayaraq, Türkiyə Mosul əməliyyatına qoşulub.

Türkiyənin Baş naziri Binəli Yıldırım deyib ki, əməliyyatda ilk sıralarda Türkiyənin İraqdakı Başika hərbi düşərgəsində hazırladığı yerli döyüşçülər iştirak edirlər: "Hava əməliyyatında İŞİD-lə mübarizə koalisiyasının tərkibində bizim Hərbi Hava Qüvvələrimiz də iştirak edib".

İŞİD bu şəhərlərə hücum edəcək – MİT-dən XƏBƏRDARLIQ

İŞİD terror təşkilatı İstanbul, Qaziantep, Ankara, Antalya və İzmirdə təyyarə qaçırmağa və terror akIarı həyata keçirməyə hazırlaşır. Bu barədə Milli Kəşfiyyat Təşkilatının (MİT) 81 vilayətin təhlükəsizlik güclərinə göndərdiyi xəbərdarlıq məktubunda deyilir.

“Təcili” kodlu və 12 oktyabr tarixli xəbərdarlıq məktubunda İstanbul, Qaziantep, Ankara, Antalya və İzmir vilayətlərində terror təhlükəsinin daha çox olduğu vurğulanıb. Məlumata görə, 2016-cı ilin dekabr ayında açılması planlaşdırılan Avrasiya tuneli də İŞİD-in hədəfləri arasındadır.

Qeyd edilir ki, İŞİD terror aktlarını Türkiyə Silahlı Qüvvələrinin Azad Suriya Ordusu ilə birlikdə Suriyanın şimalında təşkil etdiyi “Fərat Qalxanı” əməliyyatına cavab olaraq planlaşdırır. Terror təşkilatı bu əməliyatın gedişatında nəzarət etdiyi bir sıra əraziləri itirib.

Yeri gəlmişkən, ABŞ Mərkəzi Kəşfiyyat İdarəsinə (CİA) yaxın düşüncə quruluşlarından olan Atlantik Şurasının Yaxın Şərq üzrə mütəxəssisi Aaron Steyn də Türkiyəni təhdid edib.

Ekspert “The Atlantic” nəşrində dərc etdirdiyi yazısında Türkiyə ordusu və Azad Suriya Ordusunun Suriyanın şimalında həyata keçirdiyi “Fərat Qalxanı” əməliyyatını qiymətləndirib. O, Türkiyə ordusunun İŞİD-lə döyüşünün növbəti mərhələsindəki qarşıdurmaların Türkiyə tərəfində baş verəcəyini bildirib. Aaron Steyn İŞİD-in Türkiyə daxilində hələ də aktiv olduğunu və bu təşkilatın kökünü kəsə biləcək bütün ordu və təhlükəsizlik səlahiyyətlilərinin həbs olunduğunu iddia edib.

Ərdoğan meydan oxudu: “Gələcəyi varsa, görəcəyi də var”

Türkiyə prezidenti Rəcəb Tayyib Ərdoğan Mosul əməliyyatı ilə əlaqədar şiə milislərə meydan oxuyub. Prezident Mosulda 2 milyon sünninin olduğunu deyib.

Türkiyə prezidenti Rəcəb Tayyib Ərdoğan Mosul əməliyyatı ilə əlaqədar şiə milislərə meydan oxuyub.

Rusiya və Suriya bu gündən Hələbdə hava əməliyyatlarını dayandırır. Rusiyanın müdafiə naziri Sergey Şoyqun sözlərinə görə, aviazərbələrin dayandırılması haqqında qərar “humanitar pauza” üçün qəbul edilib.

Kremlin sözçüsü Dmitri Peskov isə bildirib ki, Rusiyanın Hələbdə əməliyyatları dayandırması daha əvvəlki razılaşmaları yerinə yetirmək üçün ABŞ-a verilən bir şansdır.

Amerikanın “Valuewalk.com” saytı isə hesab edir ki, Rusiya ən yaxın iki ildə bu ölkələrə hücum edəcək. Amerikalı analitiklər saytda yazır ki, Rusiyanın Belarus və Qazaxıstana hücum təhlükəsi ABŞ-ın yeni prezidenti üçün ən böyük problemlərdən biri ola bilər.

Onların fikrincə, əgər ABŞ buna qarşı durmasa, Rusiya prezidenti Vladimir Putinin iki böyük post-sovet dövlətinə hücumu “soyuq müharibə”dən sonra qurulmuş dünya nizamını qəti şəkildə dağıdacaq. Bildirilir ki, Rusiyanın Belarus üzərində nəzarəti Rusiya Silahlı Qüvvələrini NATO üzvləri olan Polşa və Litva sərhədlərinə gətirib çıxaracaq.

Böyük Britaniya xarici işlər naziri parlamentdə çıxışı zamanı söyləyib ki, Britaniya Rusiya əleyhinə dəlillər toplayır.

Qeyd edək ki, bundan öncə rəsmi London Rusiyanı Suriyada mülki əhaliyə qarşı hərbi cinayətlər törətməkdə ittiham edib. Conson hətta buna görə Britaniya əhalisini Rusiyanın Londondakı səfirliyi qarşısında etiraz aksiyasına da səsləyib.

Putin sabah müharibəyə son qoya biləcəkmi?

Sabah Donbas münaqişəsinin həlli üçün mühüm addım atıla bilər. “Normandiya dördlüyü”nün liderləri oktyabrın 19-da Berlində görüşəcək.

Görüş barədə razılıq Ukrayna prezidenti Pyotr Poroşenkonun fransalı həmkarı Fransua Olland və Almaniya kansleri Angela Merkellə telefon söhbəti zamanı əldə edilib. Görüşdə həmçinin Rusiya prezidenti Vladimir Putin də iştirak edəcək.

Bu formatda son görüş may ayında keçirilib. Tərəflər ATƏT-in xüsusi missiyasının səlahiyyətlərinin genişləndirilməsi məsələsini müzakirə ediblər.

Ömər Dağlı