2017-ci ildə Kosmosa uçacaq Xəlil adlı gənc İstanbul Teknik Universitetinin Kosmos mühəndisliyi fakültəsində təhsil alır.
Axşam.az ATV-yə istinadən xəbər verir ki, o, Amerika Milli Kosmik Agentliyi - NASA-nın təşkil etdiyi beynəlxalq müsabiqəyə qatılıb və bu sahəyə olan marağı, bilikləri sayəsində uçuşa vəsiqə qazanıb.
Gənc tələbə kosmosa uçmaq hüququ qazanan ilk türk kimi adını tarixə yazdırıb. Onun uşaqlıq arzusunun yerinə yetməsinə cəmi bir il qalıb.
Xəlil deyir ki, kosmosa səyahət təxminən bir saat çəkəcək. 6 ay isə onlar uçuş üçün məşq edəcəklər.
