Yumor ustası Fərda Xudaverdiyevin “Selfinaz” stand-up-ı ilə bağlı yeni xəbər var.
Axşam.az-ın məlumatına görə, oktyabrın 20-dən etibarən şəhərin kinoteatrlarında nümayiş olunacaq şouya biletlər artıq satışa çıxarılıb. Onları həm onlayn, həm də kassalardan əldə edə biləcəksiniz.
F.Xudaverdiyev stand-up-ın hər kəsin xoşuna gələcəyini iddia edib:
“Neçə illərdir bu şou üzərində çalışıram. Tamaşaçılar onu izləməyə başlayandan bitənə kimi güləcək”.
Yumor ustası şousuna kölgə salmaq istəyənlərin olduğunu da deyib:
“Onlara ən layiqli cavab sevənlərimin bilet alıb, onu izləməyə getməsidir. Oktyabrın 20-də bütün seanslarda anşlaq etsinlər. Hər zaman yaradıcılığıma dəstək olanlar üçün çalışmışam. Allahımın mənə verdiyi ömürboyu bu belə davam edəcək”.
Qeyd edək ki, tamaşaçılar oktyabrın 20-də şounu F.Xudaverdiyevlə birlikdə izləmək imkanı əldə edəcəklər.
