Fransanın Kann şəhərində keçirilən dünyanın ən nüfuzlu “MIPCOMA” televiziya sərgisində türkiyəli aktyorlar da iştirak edib.
Publika.az Türkiyə mətbuatına istinadən xəbər verir ki, sərgidə müxtəlif ölkələrin nümayəndələri, prodüserlər və aktyorları bir araya gəlib. Sərginin builki ulduzu “Kanal D”-də "Vətənim sənsən" serialı ilə tamaşaçı qarşısına çıxmağa hazırlaşan Bərgüzar Korel ilə Halit Ergenç olub.
“Kanal D” bu ilki sərgidə ilkə imza atıb. Belə ki, kino zalı halına gətirilən tırda üç gün ərzində kanalın reytinqli seriallarını qonaqlar aktyorlarla birlikdə izləyib. Ötən gün "Vətənim sənsən"-in sərgi üçün hazırlanan 20 dəqiqəlik hissəsini serialın çəkiliş heyəti və Halit Ergenç-Bergüzar Korel cütlüyü birlikdə seyr edib.
“MIPCOMA” sərgisində "Vətənim sənsən"-dən başqa "O hayat bənim"-in qəhrəmanları Oya Başar, Ezgi Asaroğlu, Keremcem, Ceren Moray iştirak edib. Eləcə də “Bana sevmeyi anlat” serialının baş rol ifaçıları Seda Bakan ve Kadir Doğulu da sərgiyə qatılanlar arasında olub.
Aytən 
