Minlərlə insan Mosul şəhərini artıq tərk edib.
İraq qoşunları şəhərə yaxınlaşdıqca onların sayı arta bilər.
Milli.Az bildirir ki, Save the Children humanitar təşkilatı son 10 gün ərzində 5 mindən artıq mosullunun Suriyaya keçdiyini bəyan edib.
Dünən BMT də bildirmişdi ki, Mosulun İŞİD-dən azad edilməsinə yönəlmiş əməliyyatın başlanması minlərlə, on minlərlə mosullunun şəhərdən qaçması ilə nəticələnəcək.
1,3 milyon sakini olan Mosulda hazırda İŞİD-in 5 minə yaxın terrorçusu var.
İŞİD terrorçuları şəhərdəki dinc sakinlərdən "canlı sipər" kimi istifadə edirlər.
Milli.Az