Hindistan bütün dünyada Bollivudda çəkilən filmləri ilə məşhurdur. Lakin indi ölkədəki telekanallar serialların çəkilişlərinə üstünlük verməyə başlayıblar.
Milli.Az bildirir ki, Hindistandakı yeni seriallar arasında "Crime Patrol Dial 100" rekord vurur.
Ssenari müəllifi və rejissoru Ayer Subramanian olan serial "Sony Entertainment Television India" və "Sony Entertainment Television Asia" telestudiyalarının məhsuludur.
Mumbay şəhərində törədilən cinayətlərin bədii-sənədli təqdimatı olan serial realiti-şou formatında hazırlanır.
Serialın aparıcı aktyoru məşhur Anup Sonidir.
"Crime Patrol Dial 100" sosial şəbəkələrdə və YouTube-da da sürətlə populyarlaşmağa başlayıb. Belə ki, növbəti, 254-cü seriyaya YouTube-da cəmi 10 gün ərzində 6 milyona yaxın insan baxıb.
Milli.Az