"Nikoil Bank"ın kapitalı kəskin artıb

"Nikoil Bank"ın kapitalı kəskin artıb
12:12 20 Oktyabr 2016
Ölkə mətbuatı
A- A+

Bakı. 20 oktyabr. REPORT.AZ/ "Nikoil Bank" ASC nizamnamə kapitalını 60 mln. manat və ya 2,7 dəfə artıraraq 94,5 mln. manat çatdırıb. Bankdan "Report"a verilən məlumata görə, kapital artımından sonra səhmdarların pay bölgüsü dəyişib.
Belə ki, "Nikoil Bank"ın əsas səhmdarı olan "Topaz İnvestment" QSC-nin payı 56,4%-dən 84,08%-ə yüksəlib. Əvəzində, "Nikoil" QSC-nin payı 42,6%-dən 15,55%-ə, "ISR Holding" MMC-nin payı isə 1%-dən 0,37%-ə düşüb.
Xatırladaq ki, "Nikoil Bank" ASC 1994-cü ildən fəaliyyət göstərən "Ülpər" kommersiya bankının bazasında, 2002-ci ildə yaradılıb. Hazırda Bankın dövriyyədə hər birinn nominal dəyəri 2 manat olan 47,25 mln. səhmi var. 

RƏYLƏR

BU KATEQORİYADAN DİGƏR XƏBƏRLƏR