Ancelina Coli və Bred Pittin keçmiş mühafizəçisi Mark Billinqham İngiltərənin "Sun" qəzetinə ulduzlar haqqında açıqlamalar verib.
Milli.Az publika.az-a istinadən bildirir ki, Billinqham məşhur cütlüyün ən böyük qorxusunun uşaqlarının qaçırılması olduğunu deyib. 2007-2008-ci illərdə cütlüyün uşaqlarını qorumaq üçün fövqəladə təhlükəsizlik tədbirləri gördüyünü söyləyən Billinqham Coli və Pittin ona çox güvəndiyini və uşaqları yalnız ona tapşırdıqlarını deyib.
Billinqham cütlüyün digər mühafizəçilərə çox güvənmədiyini də bildirib: "Digər işçilər uşaqları uzaqdan izləyə bilərlər, amma onlarla təmasa keçməyə icazə yox idi. Şəxsi həyatımı istədiyim kimi yaşaya bilmirdim. Ona görə də işdən çıxmaq məcburiyyətində qaldım".
Milli.Az
