Bakı. 20 oktyabr. REPORT.AZ/ Azərbaycan Dövlət Gənc Tamaşaçılar Teatrının baş rejissoru, əməkdar incəsənət xadimi Bəhram Osmanov “Avrasiyanın ürəyi – Qazaxıstan” Mərkəzi Asiya ölkələrinin VI Beynəlxalq Teatr Festivalına dəvət alıb.
Teatrın mətbuat xidmətindən “Report”a verilən məlumata görə, baş rejissor festivalda münsiflər heyətinin üzvü olacaq.
Oktyabrın 23-dən 28-dək davam edəcək festivala B.Osmanovu Qazaxıstanın Mədəniyyət və İdman Nazirliyi dəvət edib. Qazaxıstanın müstəqilliyinin 25-ci ildönümü münasibətilə keçiriləcək festival Taldıkorqan şəhərində baş tutacaq.