Göygöldə iki nəfərin xəsarət alması ilə nəticələnən yol nəqliyyat qəzası baş verib.
Milli.Az APA-ya istinadən xəbər verir ki, Göygöl-Toğana avtomobil yolunun Göygöl şəhəri ərazisindən keçən hissəsində qeydə alınan qəzada iki avtomobil toqquşub. Qəza zamanı sürücülərdən biri 1996-cı il təvəllüdlü Məmməd Mahiyyədin oğlu Məmmədov və digər avtomobilin sərnişini, 1956-cı il təvəllüdlü Ayaz Müzəffər oğlu Aşurov müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib. Vəziyyətlərinin normal olduğu bildirilir.
Faktla bağlı Göygöl rayon Polis Şöbəsində araşdırma aparılır.
Milli.Az