"Azərbaycan Hava Yolları" QSC-nin (AZAL) reyslərində “Samsung Galax Note 7” smartfonlarının əl yükündə və qeydiyyatdan keçən baqajda daşınması qadağan olunur. Bu qərar ABŞ-ın aviasiya hakimiyyəti, eləcə də bütün dünya üzrə digər sərnişin aviadaşıyıcıları tərəfindən analoji qadağadan sonra qəbul edilib.
“Azərbaycan Hava Yolları” QSC-nin mətbuat xidmətindən Publika.az-a verilən məlumata görə, əl yükündə smartfon aşkarlandığı halda telefon sahibi smartfonu yola salan tanışlarından birinə verməyənədək sərnişinin təyyarəyə minməsindən imtina edilə bilər, çünki aviaşirkət hava limanında saxlama xidmətləri vermir.
Əgər smartfon təyyarənin salonuna bilmədən keçirilibsə, onu
dərhal söndürmək və uçuşun başa çatmasınadək söndürülmüş vəziyyətdə
saxlamaq lazımdır. Əgər həmin smartfon baqajda aşkar olunarsa, o
reysə yüklənməyəcək və sərnişinin tələb etməsinədək hava limanında
itirilmiş baqaj bürosuna (Lost & Found) göndəriləcək.
Biz başa düşürük ki, təyyarənin göyərtəsində bu telefonun
istifadəsinə qadağa sərnişinlərin bəzilərində narahatlıq yarada
bilər, lakin "Azərbaycan Hava Yolları" üçün prioritet ilk növbədə
göyərtədə təhlükəsizliyin təmin edilməsidir.
