Daxili İşlər Nazirliyi dünən Abşeron rayonunun Hökməli kəndində baş vermiş partlayışla bağlı məlumat yayıb. Lent.az nazirliyin mətbuat xidmətinə istinadən xəbər verir ki, oktyabrın 20-də saat 06 radələrində Abşeron rayonunun Hökməli kəndində yaşayan Müşfiq Qurbanovun evində təbii qazın sızmasından yanğına keçən partlayış baş verib. Nəticədə evin yanar konstruksiyalar yanıb, xəsarət almış M.Qurbanov, arvadı Şəbrur, qızları Leyla və Banuçiçək xəstəxanaya yerləşdirilib, Banuçiçək orada ölüb.
Qeyd edək ki, M.Qurbanov “Azəravtoyol” ASC-nin aparat rəhbəri, həyat yoldaşı isə tanınmış cərrahdır.
