Quba. 22 oktyabr. REPORT.AZ/ Quba rayonunun Amsarqışlaq kəndində yanğın hadisəsi baş verib.
"Report"un Şimal bürosu məlumat verir ki, hadisə nəticəsində kənd sakin İsrafil İlimdarova məxsus evin dam örtüyü və qaraj tamamilə yanıb.
Hadisə yerinə Fövqəladə Hallar Nazirliyinin Quba Yanğından Mühafizə Xidmətinin 2 yanğınsöndürən maşını və briqadası cəlb olunub. Onlar gələnə kimi kənd sakinləri yanğının qarşısını ala biliblər.