Qubada yanğın hadisəsi qeydə alınıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Quba rayonu, Amsar kəndində vətəndaşa məxsus ümumi sahəsi 170 m2 olan (bir damın altında ümumi sahəsi 122 m2 olan ev və qarajın ümümi sahəsi 48 m2) birmərtəbəli 5 otaq və qarajdan ibarət evin dam örtüyünün yanar konstruksiyaları 98 m2 sahədə və qaraja yığılmış 20 ədəd taxta taralar yanıb.
Evin qalan hissəsi yanğından mühafizə olunub. Yanğın saat 22:24-də yanğınsöndürənlər tərəfindən söndürülüb.
