Londonun Siti hava limanında kimyəvi maddələrin sızması nəticəsində 26 nəfər zəhərlənib, onlardan ikisi xəstəxanaya yerləşdirilib.
APA-nın RİA Novosti agentliyinə istinadən verdiyi xəbərə görə, insidentlə əlaqədar 500 sərnişin hava limanından təxliyə edilib.
Hadisə yerində yanğınsöndürənlər, təcili tibbi yardım briqadaları, kimyəvi maddələr üzrə mütəxəssislər işləyir. İnsidentin səbəbləri müəyyənləşdirilir.
