Peru prezidentinin öz maaşının azlığından şikayət etməsi narazılığa səbəb olub

Peru prezidentinin öz maaşının azlığından şikayət etməsi narazılığa səbəb olub
08:42 22 Oktyabr 2016
39 Dünya
Ölkə mətbuatı
A- A+

Bakı. 22 oktyabr. REPORT.AZ/ Peru prezidenti Pedro Pablo Kuçinski nazirlər ilə müqayisədə qazancının az olmasından şikayətlənib.
"Report" xəbər verir ki, dövlət başçısının bələdiyyə hakimiyyətlərinin nümayəndələri qarşısında etdiyi çıxışın videoyazısı "El Correo" qəzetinin saytında dərc olunub.
"Ölkə prezidenti nazirin əmək haqqının yarısını alır. Bax indi burada iki nazir iştirak edir, onlar birlikdə məndən dörd dəfə çox qazanırlar. Məgər bu ədalətlidir? Biz bunu dəyişməliyk", - deyə Kuçinski bildirib və dövlət qulluqçularına əmək haqqı verilməsi qanunvericiliyində islahatların aparılmalı olduğunu qeyd edib.
Prezidentin bu sözləri sosial şəbəkə istifadəçiləri arasında sərt tənqidlərə səbəb olub. Onların bir çoxu dövlət başçısına seçkiqabağı kampaniya zamanı onun yeganə arzusunun "Peruya xidmət etmək" olduğunu xatırladıblar.
"El Correo" qəzetinin məlumatına görə, Peru pezidentinin aylıq əmək haqqı 15,6 min soldur (4 min 588 dollar), eyni zamanda mərkəzi hökumət naziri ayına təqribən 30 min sol alır. Ölkədə minimum əmək haqqı 250 dollar səviyyəsində müəyyən edilib.

Xəbərin orijinal ünvanı: http://report.az/diger-olkeler/peru-prezidentinin-maasinin-azligindan-sikayet-etmesi-naraziliga-sebeb-olub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR