Sabirabad rayonunun Dadaşbəyli kəndi ərazisində Kür çayının üzərindəki körpüdə 18 BF 747 dövlət nömrə nişanlı “Mercedes” markalı avtomobillə 10 LZ 878 dövlət nömrə nişanlı “VAZ 2107” markalı avtomobil toqquşub.
APA-nın Mil-Muğan bürosunun xəbərinə görə, qəza nəticəsində “VAZ”-da olan 1 nəfər ölüb, daha 2 nəfər xəsarət alıb.
Yaralılar Şirvan Şəhər Xəstəxanasına yerləşdirilib.
Ölən və xəsarət alan şəxslərin kimliyi müəyyənləşdirilir.