"Xəzər Lənkəran"ın sabiq futbolçusu Elnur Cəfərovun çıxış etdiyi "Duqopole" klubu qalmaqalla üzləşib. Fanat.Az xəbər verir ki, həmyerlimizin komandası Xorvatiyanın II Divizionunda evdə "Sesvete" ilə bərabərə qalıb - 2:2.
Hesab 2:1 ev sahibi komandanın xeyrinə olarkən qonaqlar penalti qazanıb. Ancaq oyunun baş hakimi Tino Kreçak "Sesvete"nin oyunçusu Ante Aralitsanın qolunu qeydə almayıb.
Tor deşik olsa da, bu, referinin gözündən yayınıb. Qonaq komandanın etirazı nəticə verməyib. Buna baxmayaraq, "Sesvete" 90+5-ci dəqiqədə məğlubiyyətdən qaçmağı bacarıb.
Elnur Cəfərov bu oyunda iştirak etməyib.