İŞİD lideri Əbubəkir Bağdadi Mosuldan qaçıb.
Milli.Az lent.az-a istinadən bildirir ki, İraqdakı kürd muxtariyyətinin rəhbəri Məsud Bərzaniyə yaxın olan "Rudaw" agentliyi İŞİD rəhbərinin son olaraq bu ayın 19-da Mosulda göründüyünü yazıb. Kəşfiyyat məlumatlarına istinadən hazırlanan xəbərdə qeyd edilir ki, İraq ordusu və kürd qüvvələrin Mosulun terrorçulardan azad edilməsi ilə bağlı başlatdığı əməliyyatdan sonra şəhərdə hərəkətlilik artıb və İŞİD-ə rəhbərlik edən əsas komandirlər buranı tərk ediblər. Bağdadi də bəzi komandirlərlə birgə Suriyanın Rəqqa şəhərinə çəkilib.
Qeyd edək ki, hazırda əməliyyatlar davam etdirilir və birləşmiş qüvvələr Mosulun 5 kilometrliyindədir. Şəhərdə hazırda 4-8 min İŞİD terrorçusunun olduğu ehtimal edilir.
Milli.Az
