21 qat dünya çempionu, “Ağ canavar” kimi tanınan azərbaycanlı idmançı Edurad Məmmədov kiboks üzrə dünya çempionatında (WKA) döyüşəcək.
Publika.az xəbər verir ki, idmançımız 60 kq çəki dərəcəsində çıxış edəcək. Edurad Məmmədov oxu.az-a açıqlamasında bildirib ki, dünya çempionatında iştirak üçün azərbaycanlı idmançılar bu gündən İtaliyaya yollanır:
“İtaliyada keçirilən WKA üzrə kikboks çempionatında tanınmış idmançılarımız Kamil Şərifov, Güloğlan Cabbarov və Fuad Zeynalov da ayrı çəki dərəcəsində döyüşəcəklər. Əlavə olaraq bildirmək istərdim ki, yarışda mənim tələbələrim Ayxan Həşimov və Amil Quliyev iştirak edəcəklər”.
