Tacikistandan Azərbaycana yüksək səviyyəli səfər baş tuta bilər.
Milli.Az bildirir ki, Tacikistanın Azərbaycandakı səfiri Zohir Saidov Trend-ə müsahibəsində deyib ki, hazırda bu məsələyə iki ölkənin müvafiq qurumları tərəfindən baxılır.
Səfirin sözlərinə görə, bundan başqa, ticarət-iqtisadi əməkdaşlıq üzrə hökumətlərarası komissiyanın növbəti iclasına hazırlıq gedir.
Z.Saidov xatırladıb ki, hazırda Azərbaycan-Tacikistan münasibətləri 30-dan çox saziş və müqavilə ilə tənzimlənir: "Bütün sahələrdə əməkdaşlığın genişləndirilməsi və möhkəmləndirilməsi üçün qarşılıqlı səylər göstərilir".
Milli.Az
