"Yeni Üfüq" Nefçalada multikultiralizmlə bağlı tədbir keçirdi

"Yeni Üfüq" Nefçalada multikultiralizmlə bağlı tədbir keçirdi
13:59 25 Oktyabr 2016
24 Digər
Ölkə mətbuatı
A- A+

“Yeni Üfüq” Mənəvi İrsin Təbliği İctimai Birliyi Neftçalada Heydər Əliyev mərkəzində "Azərbaycan xalqının multikultural və tolerant dəyərlərinin cəmiyyətdə təbliği” adlı növbəti tədbirini  keçirib.

Birlikdən Lent.az-a verilən məlumata görə, tədbirin əhəmiyyəti barədə danışan təşkilatın sədri Sevinc Əzimbəyli bildirib ki, Azərbaycan Prezidenti İlham Əliyev ölkəmizdə 2016-cı ili "Multikulturalizm ili” elan edib: “Bu yanaşma multikulturalizmin ən üstün modeli olan ölkəmizin inkişafının tarixi reallıqları ilə həm də müasir dünya sivilizasiyası məkanı və zamanı daxilində Azərbaycanın davamlı inkişaf tələbatları ilə elmi cəhətdən əsaslandırılıb. Multikultural dəyərlərin qorunması və ona diqqət və qayğı göstərilməsi Azərbaycanın ən böyük uğurudur. 

Qarabağ Seyid Ocaqlarının rəhbəri, şərqşünas Seyid Camal Əzimbəyli çıxış edərək bildirib ki, əsrlərdir Azərbaycanda hökm sürən milli və dini tolerant münasibətlərin bu gün də dövlətimiz tərəfindən mühafizə edilməsi xalqımız üçün qürurvericidir: “Qloballaşan dünyada heç bir ölkənin təsir dairəsinə düşməyən Azərbaycan dövlətini zədələməyə çalışan xarici qüvvələrə satılan bir qrup xain insana heç bir halda fürsət verməməliyik. Unutmamalıyıq ki, milli mənafelərimizin qorunmasının bir yolu da tolerant dəyərlərin mühafizə edilərək yaşadılmasından kecir”.

Tədbirdə Neftçala rayon İcra Hakimiyyətinin əməkdaşı Hüseyn İbrahimov, Dini Qurumlarla İş üzrə Dövlət Komitəsinin İmişli bölgəsi üzrə şöbə müdiri Cavanşir Bəhramov, rayon ziyalıları və fəal gənclər iştirak edib.




Xəbərin orijinal ünvanı: http://news.lent.az/news/257581

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR