Anadolu Sağlamlıq Mərkəzi və Anadolu Efes İdman Klubunun hər il təşkil etdiyi "Çəhrayı top meydançada" layihəsinə ulduzlar da dəstək olur.
Axşam.az-ın Türkiyə mətbuatına istinadən məlumatına görə, bütün qadınları döş xərçənginin erkən müayinəsinə çağıran layihənin bu il üçüncüsü baş tutub.
Avropa basketbol liqasında "ÇSKA Moskva" və "Anadolu Efes" klublarının qarşılaşması çəhrayı topun havaya atılması ilə başlayıb. Atışı bu dəfə layihəyə könüllü qoşulan aktrisa Sinem Kobal edib. O, oyunu izləməyə aktyor əri Kənan İmirzalıoğlu ilə gəlib.
Qeyd edək ki, layihənin əvvəlki illərində Beren Saat və Bergüzar Korel iştirak etmişdi.
