Azərbaycan millisinin sabiq baş məşqçisi Karlos Alberto Torresin vəfatı ilə əlaqədar Braziliyada matəm elan olunub.
Milli.Az apasport.az-a istinadən xəbər verir ki, matəm 3 günlük nəzərdə tutulub.
Əfsanəvi futbolçunun yas mərasimi Braziliya Futbol Konfederasiyasının (CBF) inzibati binasında baş tutacaq, binanın qarşısındakı bayraqlar endiriləcək. Bundan əlavə, Braziliya Futbol Konfederasiyasının təşkil etdiyi bütün futbol oyunlarından öncə 1 dəqiqəlik sükut olacaq.
Qeyd edək ki, dünən 72 yaşında vəfat edən Karlos Alberto Torres 2004-2005-ci illərdə Azərbaycan yığmasını çalışdırıb.
Milli.Az