Masallıda çayların daşması nəticəsində 40-a yaxın yaşayış evinin ərazisini su basıb

Masallıda çayların daşması nəticəsində 40-a yaxın yaşayış evinin ərazisini su basıb
15:32 26 Oktyabr 2016
38 Ölkə
Ölkə mətbuatı
A- A+

Masallı. 26 oktyabr. REPORT.AZ/ Azərbaycanın cənub bölgəsində intensiv yağan yağışlar Masallı rayonunda subasmaya səbəb olub.
"Report"un Cənub bürosu xəbər verir ki, rayonun Böyük Təklə kəndində 40-a yaxın yaşayış evinin ərazisi su altında qalıb. 
Kənd sakinlərinin bildirdiyinə görə, bəzi ərazilərdə suyun səviyyəsi 0,5 metrdən 1,5 santimetrə qədərdir. Bu barədə rayon rəsmilərinə və Fövqəladə Hallar Nazirliyinin (FHN) Cənub Regional Mərkəzinə də məlumat verilib. Subasmaya səbəb isə Göytəpə və Yazqıraq çaylarının kəndin arxa hissəsindən bir-birinə qovuşaraq daşması olub. Sakinlər eyni səbəbdən dəfələrlə həyətlərinin və əkin sahələrinin su altında qalması və təsərrüfatlarına dəyən ziyanla bağlı narahatlıqlarını ifadə edirlər
Masallı Rayon İcra Hakimiyyətinin fövqəladə hallar komissiyasına ötən illərdə edilən müraciətlərdən sonra texnika göndərilərək müvəqqəti olaraq problemi aradan qaldırmaq mümkün olsa da, ancaq bu yetərli olmayıb. Bu il yenidən 37 ailənin 15 ildir məskunlaşdığı yeni massivdə eyni problem yaşanır. 

Xəbərin orijinal ünvanı: http://report.az/hadise/masallida-caylarin-dasmasi-neticesinde-40-a-yaxin-yasayis-evinin-erazisini-su-basib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR