İlk tibbi yardım dəyişəcək

İlk tibbi yardım dəyişəcək
07:52 27 Oktyabr 2016
Ölkə mətbuatı
A- A+

"Gartner" analitik şirkəti müasir yüksək və informasiya texnologiyalarının təsiri altında tibb sahəsinin inkişafı ilə bağlı öz proqnozunu təqdim edib.

Sözügedən analitik şirkətin proqnozuna əsasən, yaxın 20 ildə ilk tibbi yardım tanınmayacaq dərəcədə dəyişəcək. Avtomatik rejimdə pasiyentlərin vəziyyətini izləməyə imkan verən və ilk yardımın göstərilməsi zamanı insan amilini tamamilə istisna edən "sağlamlıq üzrə virtual şəxsi assistentlər" geniş populyarlıq qazanmağa başlayacaq.

Milli.Az ICTnews-a istinadən bildirir ki, "Gartner"in proqnozuna görə, 2025-ci ilə bu virtual köməkçilər tibbi personalın bir hissəsini əvəz edəcəklər, çünki insanlar onları həkimlərlə müqayisədə daha həssas və dəqiq hesab edəcəklər. Belə ki, bir çox həkimlər etik davranış qaydalarına riayət etmirlər.

"Gartner"in ekspertləri bildiriblər ki, hazırda insanın orqanizmi və sağlamlıq vəziyyəti haqda informasiya aqreqatorları ən erkən inkişaf  mərhələsindədir. Bu inkişaf mərhələsinin yüksək zirvəsi olacaq virtual köməkçilər öz inkişaf yolunda bir çox maneə ilə qarşılaşacaq.

Bu, artıq onların ilk tibbi yardım sahəsinə tətbiqini ləngidəcək, bəzi ölkələrdə maliyyə problemi və qanunvericiliklə bağlı çətinliklər, həmçinin bir sıra başqa maneələr ortalığa çıxacaq.

Milli.Az

RƏYLƏR

BU KATEQORİYADAN DİGƏR XƏBƏRLƏR