Ukrayna Kubokunda 1/8 final mərhələsinin oyunları keçirilib. Fanat.Az xəbər verir ki, millimizin üzvü Pavel Paşayevin formasını geydiyi “Stal” səfərdə “İliçevets”in qonağı olub.
Paşayev meydana start heyətində çıxıb. Görüşün əsas vaxtı 1:1 hesabı ilə yekunlaşıb. Əlavə vaxtda qapılara qol vurulmadığından cütün qalibi penaltilərlə müəyyənləşib.
Pavel Paşayevin komandası penaltilərdə 2:4 hesabı ilə uduzmaqla kubokla vidalaşıb. “Stal”ın məğlubiyyətinə səbəb olan qaçırılan 2 penaltidən birini məhz Paşayev yerinə yetirib.
Fanat.Az
