Lənkəranda avtomobil yolunda sürüşmə oldu

Lənkəranda avtomobil yolunda sürüşmə oldu
13:37 27 Oktyabr 2016
25 Ölkə
Ölkə mətbuatı
A- A+

Azərbaycanın cənub bölgəsində intensiv yağan yağışlar Lənkəran rayonunda sürüşməyə səbəb olub.

Milli.Az report-a istinadən bildirir ki, rayon mərkəzindən 25-30 km aralıda yerləşən kəndlərinə aparan yolda sürüşmə baş verib. Belə ki, dağlıq relyefdə yerləşən bu yol el arasında Biləsər yolu kimi tanınır. Təxminən 3 min əhalinin məskunlaşdığı bu ərazidə Daştatük, Biləsər, Alazəpin Seliqəvola və Bəlet kəndləri yerləşir. 
Sakinlərin bildirdiyinə görə, yol 5 istiqamətdə çöküb. Hərəkət məsafəsi 3 metr olan yolun eni bəzi yerlərdə 1, bəzi yerlərdə isə 2 metrə qədər azalıb. Nəqliyyatın hərəkətinə ciddi çətinliklər yaranıb. Eni daha az olan yerlərdə sürücülər təhlükəli manevr etməklə yolu keçirlər. Bu halın bir həftədir davam etdiyini söyləyən sakinlər yolla bağlı problemləri olduğundan yerli idarəetmə qurumlarının da xəbərdar olduqlarını söyləyirlər. Lakin hələlik problem qalmaqdadır. 

Milli.Az

RƏYLƏR

BU KATEQORİYADAN DİGƏR XƏBƏRLƏR