Avropa çempionatının ilkin seçmə mərhələsində Avstriya ilə keçirilən oyundan (1:3) sonra U-17 yığmamızın baş məşqçisi Vüqar Məmməd görüş haqda fikirlərini bildirib. Fanat.Az xəbər verir ki, baş məşqçi bunları bildirib:
“Qrupda yer alan komandalar kifayət qədər güclü rəqiblərdir. Avstriya yığması da ilk oyunda Rumıniyanı məğlub edərək , yaxşı komanda olduğunu sübut edib. Hesabda geri olmağımıza baxmayaraq, uşaqlar ruhdan düşmədilər və bərabərlik qolunu vurdular. Ancaq fasilədən sonra rəqib təzyiqi artıraraq buraxdığımız səhvlərdən maksimum yararlandı. Komandamız oyun baxımından rəqiblərdən geri olsa da, əzmkarlıq baxımından heç kimdən geri qalmır. Onlar hər iki oyunda böyük əzmkarlıq nümayiş etdirdilər”.
Fanat.Az
