Hollivud aktyoru Tom Kruz 2012-ci ildə qızı Surinin anası aktrisa Keti Holmsdan boşanmışdı.
Axşam.az-ın xarici KİV-ə istinadən məlumatına görə, həmin vaxtdan Kruzun bağlı olduğu "Scientology" adlı təriqət ona qızı ilə görüşməyi qadağan etmişdi.
Ancaq son günlər aktyorun təriqətdən gizli olaraq qızı ilə görüşdüyü ortaya çıxıb. Onların 4 il sonra görüşdüyü, lakin bunu hər kəsdən gizlətdikləri deyilir.
Bir neçə gün əvvəl Tom "Jack Reacher 2: Never Go Back" filminin Londonda baş tutan qala gecəsində iştirak edib. Jurnalistlərlə söhbəti zamanı o, "Scientology" haqda danışaraq həyatını bu təşkilata borclu olduğunu deyib:
"Bu inanc həyatımda mənə inanılmaz dərəcədə kömək edib. 30 ildir ki, ona inanıram. O, olmasaydı, burada ola bilməzdim".
