Binə qəsəbəsinə gedən yolun yeni təhvil verilən hissəsində qoyulmuş bardürlər və tamet hissəsi yağışlardan sonra dağılıb.
Milli.Az bildirir ki, bu haqda qafqazinfo-ya qəsəbə sakinləri məlumat verib. Bildirilir ki, fotolar yolun Aviasiya Akademiyasının yaxınlığındakı hissəsindən çəkilib. Sözügedən hissə 1-2 ay öncə istifadəyə verilib. Yolun tikintisi "Azəravtoyol" tərəfindən aparılır.
"Azəravtoyol" ASC-nin mətbuat katibi Anar Nəcəfli isə bildirib ki, yolun tikintisi hələ yekunlaşmayıb və təmir işləri davam etdirilir: "Orada həmin hissələrin hamısı bərpa olunacaq. Hələ heç asfalt da tam olaraq çəkilib tamamlanmayıb. Asfaltın üst qatı qalıb".
Milli.Az 
