Krımın Simferopol şəhərində məscidin fundamentinin qurulması üzrə təntənəli mərasim keçirilib.
Milli.Az bildirir ki, bu barədə azvision.az "Rİa Novosti"yə istinadən xəbər verir.
Məlumata əsasən, məscid kompleksi şəhərin cənub hissəsində Simferopol su anbarı yaxınlığında tikiləcək. Layihəyə əsasən, məscidin uzunu və eni 37 metr olacaq. Onun günbəzinin hündürlüyü 28 metr olacaq. Məscidin hər biri 50 metr hündürlükdə olmaqla dörd minarəsi olacaq. Kompleksin 2019-cu ildə istifadəyə veriləcəyi gözlənilir.
Tikintinin baş podratçısı Rusiya şirkəti olacaq.
Milli.Az 
