Suriyada müharibə bölgələrində yaşayan və atəşkəsdən ümidini kəsən xalq hücumdan qorunmaq üçün müxtəlif üsullar “kəşf” edir.
Publika.az xəbər verir ki, Suriyanın Duma bölgəsində yaşayan Əbu Ömerud Duman adlı suriyalı 6 nəfərlik ailəsini qorumaq üçün evinin yaxınlığında tapdığı boş sahədə yerin 4 metr altında bir sığınacaq qazıb. Duman təhlükəni hiss edən kimi eni təxminən 5 kvadrat metr, hündürlüyü 2 metr və bir də havalandırması olan sığınacağa düşdüklərini deyib. O, sığınacağa özləri ilə ancaq su və adyal apardıqlarını bildirib.
Sığınacağı əllə iki həftəyə qazdığını deyib. O, usta olduğunu və bu səbəbdən də işini tez bitirdiyini xüsusi vurğulayıb.
Bu bölgənin yerlə-yeksan edildiyini əks etdirən və ürək ağrıdan fotolarını təqdim edirik.
Aytən 
